خُد بالك؛ من غير شغف ما فيش تخطيط

 خُد بالك؛ من غير شغف ما فيش تخطيط

عشر أسئلة تسألهم لنفسك، بتفهم منهم نظرتك لحياتك، أنت شايفها إزاي؟ إيه اللي بيحركك و فيه ممكن تستمر و لا تكل و لا تتعب؟ كل الإجابات هتكون صح لأنها تمثلك و تعبر عنك؛

1. إيه الغرض من الحياة بالنسبة

لك؟ سؤال هيفتح عليك باب العقيدة! 

2. بغرض النظر عن عقيدتك، أنت عايز تسيب إيه و أنت ماشي! إيه الكلام اللي عايز تسمعه في جنازتك و بعد مماتك

3. النجاح في الحياة بالنسبة لك يساوي إيه؟ إختار من ثلاثة، السلطة و لا المال و لا الحب! شوف لو تعرض عليك سفر هل مشكلتك هتكون الغربة (الحب) و لا المرتب (المال) و لا اللقب الوظيفي (السلطة) 

4. من هم الناس الأكثر نجاحًا و سعادة من وجهة نظرك و لماذا؟ يعني عندهم إيه علشان شايفهم سعداء و ناجحين؟

5. إيه أكثر لحظة فرح أو أكبر مفاجئة ممكن تحصل لشخص ما؟ حاجة و لا في الحواديت من وجهة نظرك

6. ما هي الأشياء اللي مش ممكن تعملها و لا تحبها و مش شبهك بالمرة؟

7. مين الشخصية الكرتونية أو الأسطورية أو الخارقة المفضلة بالنسبة لك؟ و من هم قدوتك أو من تعتبرهم مؤثرين و مهمين في العالم؟ و لماذا؟ 

8. ما هو المكان اللي لو رحت فيه، تسمع و تعمل و تتعلم هتكون في منتهي السعادة؟ و ما هي الأماكن اللي ممكن تكون شبهك حتي لو أقل أهمية؟ و كيف تصل إلي مكان مثل هذا؟ 

9. ما هو اكتر اختراع انت شايف إنه فاد البشرية و العكس ضرها و لماذا؟ 

10. ما هو اكتر عضو في جسم الإنسان أنت شايف إنه الأهم أو الاحلي أو الأولي و لماذا؟ 

من العشر الأسئلة دول هتعرف مجال شغفك و مقاس دماغك و هوي نفسك رايح فين؟ 

من ده هتطلع هدف، مش لازم يكون كبير و لكن هيكون بداية حقيقية و هيكون شبهك و هتظهر فيه بصمتك و جنانك و علشان كده هتعلم و هتبان 

بعد كده كل واحد فينا بيعافر و بيحاول و بينجح و بيفشل و ما فيش حد مخطط لآخر حياته لإنه ببساطة مش متأكد إنه هيعيشها 

إحنا بنخطط لننهم من شغفنا،، 

اللي عنده شغف هيلاقي مليون هدف و هيفضل متونس بحياته إلي أن تنتهي